Witt öngemummelt liggt de Welt –
Ök goa so hen on dreem.
De Frost, de knöppt, dat Schneeke föllt,
et riekt noa Dannebeem.

Dat is de röchtge Winachtsloft –
Mi warrt so week to Sönn.
Ök hevv mi e Hampelmann gekofft
on een Kommrut-kommrönn.

Ök kick mien Späältieg selig an.
Mench eener drellt sök om:
„wat späält de möt dem Hampelmann?
So olt on noch so domm!“ –

Nu huck ök oler Junggesell
ön miener Stoaw alleen –
Dat Mondke schient – Mir warrt so hell,
as kunn ök Geiter seen.

Mien Späältieg mi ganz schummrig stömmt –
Moak nich de Däär sök op?
Mien Voader kömmt, mien Mudder kömmt
on striekelt mi dem Kopp:

„Wie freit ons dat, ons oler Sään,
dat du nich trurig granzt;
wie ös dat doch von di so scheen,
dat du noch spääle kannst.

De Mönsche wanke her on hen,
dat Glöck dat stiegt on föllt –
Sulk späältiegfreidger Kinnersönn
buut sök sein bätre Welt...“
 

Diskutieren Sie diesen Beitrag in unserem Kultur-Forum

---

Medienarbeit über Grenzen hinweg   Beiträge von Ostpreußen-TV jetzt auch als DVD-Video erhältlich

---

Seit dem 02.01.2005 sind Sie der

. Besucher

Diese Netzseiten sind optimiert für 800x600 / 1024x768 oder höher und 24 Bit Farbtiefe sowie MS-Internet Explorer 11.x oder höher.
Netscape ab 7.x oder andere Browser mit Einschränkungen verwendbar. - Soundkarte für Tonwiedergabe erforderlich.

www.Ostdeutsches-Forum.net/Mediathek